انا ضد حزب الله

انا ضد حزب الله
بقلم مجهول


انا ضد حزب الله. الله يعطيهن العافية والله يرحم كل مين مات، بس انا ضد حزب الله.

برافو خالد حدادة، اكيد الحزب الشيوعي مع المقاومة ضد اسرائيل، ومع المقاومة ضد الحكومة. ممتاز، بس انا ضد اسرائيل مع الحكومة ضد خالد حدادة بس مع خالد حدادة ضد حزب الله. شوف كيف بدّك تحلها.

انا مع كل ما تبقى من علمانيين ضد كل ما تبقى من قوميين عرب، وذلك الى آخر علماني، وحتى لو كان هيدا العلماني هو النائب الفذ هادي حبيش (مواليد القبيات، 1976).

سؤال لكل شيعي: شو رأيك بفرق الموت الشيعية بالعراق؟

هلق سؤال ممحون لحزب الله وجماعته: شو الألوان التي حتستعمل في اعادة دهن داون تاون ضاحية عند الانتهاء من تشييدها؟ رجاءً الابتعاد عن الألوان الفارسية، وبالأخص اي رسمات لأحصنة راكضة.

على فكرة وابوها، انا كمان بدّي اطلب من السيد حسن اكبر صاروخ نصرالله اذا في مجال يبعتلي شي كيلوت من عندو حتى اتبارك فيه! شو هيدي الهبلة اللي اخذت عبايته احسن مني؟؟

هلق رجاءً: كلّ انسان مقتنع انو حزب الله ما بدّو دولة اسلامية بلبنان يلبس تنورة وينزل عالضاحية. او اذا بدّو ما نكون سخيفين، بركي بيحمل شي كم فكرة غريبة، مثل الزواج المدني مثلاً (وما ارحم الزواج المدني امام زواج المتعة) وبينزل بهالافكار عالضاحية، او على جريدة الاخبار بقيادة ابراهيم الأمين وجوزيف سماحة.

طيّب، انا اليوم اصبحت اكيداً انّو ميشال عون لمّا عقد اتفاقه الشهير تبع "اورانج زائد اصفر بساوي انا الرئيس" مع السيّد حسن امرنا للعشر سنين الجايين، انا اكيد انّو الجنرال عرض واصر انّو في شباب بالطيار الوطني الحر بدّن ينزلوا عالجنوب ويقاتلوا ضد اسرائيل، ولكن الشاطر حسن قللوا للجنرال انّو معليش خليهن بالاشرفية، اصلاً هم بضللن خايفين.

ختاماً، تخيّلوا احمدي نجاد لابس سترينغ احمر، او بعد اسوأ: كرافات!

هلق تخيلوا هادي حبيش لابس اجمدي نجاد.

وما بعد الختام، حكمة: في مرّة كنت عم فسّر لواحد ليش اذا بتكب شي عن العالي، هالشي بيوصل لسرعة ماكسيموم وما بيعود في يسرّع وذلك بسبب العلاقة بين الوزن والسرعة القصوى. بتعرف هالواحد شو قال لي؟ قال لي: "ايه خيي، هيدا رأيك، بس انا اظن انّو..." شو يتظنّ يا اخو الشرموطة؟؟؟ هيدا علم الفيزيا مش وليد عيدو! يعني ما في انت شو رأيك وخلّينا نستشير شربل ونشوف اذا ملحم بيعرف شي عن الموضوع! هيدا علم! ولك انّو شو بدّو يكون رأيك؟؟ انّو الجاذبية بتشدّ طلوع؟؟

...وفي النهاية، الى اللقاء.
....
........
....
..   ..... .... ..... .... ..
.... ... .... .... .... كثُرَت النقاط وقلّت الحروف
...وما زال حسنٌ...... يأكل الحووف...
.... وانا عم باكل خرى.