بث ذعر تلفزيوني

وفاق وطني

Quote of the Day

"You know, one of the hardest parts of my job is trying to connect Iraq to
the War on Terror." -- Bush interview with CBS on Sept 6th.

بدّي شي حمار يواسيني

في شي خمسة ستّة يمكن سبعة من بيت آل الجميّل من منتخب اليمين اللبناني تمكّنو على مدة شي ستّين، سبعين، يمكن تمانين سنة وعلى التوالي من إحراز لقب بطيز لقب في الدور اللبناني للقطارات

ليش قطارات؟
لأنه القطار إلو قاطرة ومقطورة، ولأنه بيمشي على سكة واحدة وما بزيح عنّا لا بالحلال ولا بالحرام، ولا بيقتنع إنو يزيح، وإذا إقتنع أصلاً ما في يزيح. وما بهمّو إذا قطعت سكته بأرض شي مزارع، أو بيت شي مواطن، أو جبل شي سهل، ولا بتفرق معو إذا سكته خبصت شي قطيع زو معس شي كم ألف طفل. ولأنه في أوقات غير قطارات على ذات السكّة، وأحيانا بالإتجاه المعاكس، ما في مهرب يا أبو الحبايب من تصادم قطارين أو يمكن أكتر كمان

ما أصلاً إللي ما غص بالقطيع، ولا بالسهل، ولا بالجبل، ولا بالألف طفل، ما رح يغص بشي تران متلو

ويسرّني أن أزف لحضراتكم أنه بالموسم القادم المنافسة على لقب أكبر تران لبناني حامية لغاية، يمكن يروح فيها أبريا، تتضمّن شي تلات ترانات على الأقل من آل الجمّيل، معهم وليد بك تران، والجنرال ترينين، وحسن أكبر تران، وتران السعد وسمير "تغان" جعجع

أمّا في الدوري السوري، فيحتفظ التران الكبير، قاطر الأمّة وأسطورة الفحم الحجري، بشّار الطبل باللقب منذ أن تسلّمه عن أبوه التران الأكبر

وفي كأس العالم للترانات يبقى التحدّي الأبرز بين التران نجاد وبوش التران بمشاركة أساطيل ترانات عرب وأجانب

وبصراحة... وبلا لف ودوران، إللي بدّي أوصلّو، إنه السكّة تبع كل هل الترانات المحلّية والإقليميّة والعالميّة هيّ ذاتة... سكّة وحدة لشي ألف تران، ومساقبي إنّي أنا تحتها، وإجري مربوطة فييا، فيا ريت شي حمار بيحملني عَ ضهره، وبياخذني على القليلة في يمشي بلا سكّة، مع إنّو حمار

وبعد مصر؟

شُطب في دوائر أمنيّة ورقابة مقاطعاً وأسطراً وصفحات من سيرتي الذاتيّة واستبدلت بقصة صغيرة سخيفة عن سائح لبناني ذهب إلى مصر. وضاعت تلك المقاطع والصفحات في لهيب القنابل الفوسفورية، ومُزّقت وتفككت الكلمات بملايين القنابل العنقوديّة. فلم أجد ما يستبدلها سوى بعض الحكايات روتها صامدة صغيرة عن جزء منّي عرفته للمرّة الأولى حين دمدمته بين شفتيها.
الحكايات في عقلي وليست لي... كالسرطان
سرطان في الدماغ. يتفشّى بين الذكريات والصور واللغة والمسلّمات والأحلام والأمنيات ليُقعدها هزيلة، ويطيحها ويعطّلها ويحلّها ويُسقطها شهيدة القصّة السرطانية. والقصّة ليست لي

أوتيل صح النوم

أوتيل صح النوم



من جريدة النهار بتاريخ 3 ليلول 2006:

نواب ناموا في البرلمان وطمأنة دولية الى قرب رفع الحصار

...ووفق برنامج الاعتصام الذي يتضمن ان ينام يوميا 10 نواب، امضى الرئيسان بري والسنيورة (معاً في جناح واحد) ليلتهما في البرلمان ومعهم الوزيران مروان حماده وجان اوغاسابيان والنواب بطرس حرب واكرم شهيب وهنري حلو وجورج عدوان وابراهيم كنعان وبيار دكاش وعاطف مجدلاني وعبد الله فرحات ونوار الساحلي. ولوحظ ان كنعان من "كتلت الاصلاح والتغيير" وعدوان من كتلة "القوات اللبنانية" امضيا ليلتهما في جناح واحد.

(انّو حدن عم يتخايل يفيق الصبح ويطلعلو نايلو معوض بعد ما مشّطت شعرها وبالبيجاما!)

العُهر

اذا بتاخذ كل شي بالمزح، بيصيرو العالم يقولو عنّك كركوز. واذا بتاخذ كل شي بالجَدّ، ايه بيقولو عنَّك نِكِد.

كتير منيح.

ما يلي كونوا اكيدين انّو لا مزح ولا تنكيت، واذا حدن تَنَكَّد ايه بيكون احسن.

العُهر

بقلم سمير طربيه

شو هو العُهر؟

العُهر بشكل اساسي هو كل شي ناتج عن الجزء الاجتماعي من نفسية الانسان وتمّ خلطه مع نظرّيات سياسية وافكار من القرون الوسطى او عصر الانوار (enlightenment).

يعني مثلاً بن لادن عُهر. جورج بوش ونادي الأخلاق الحميدة (بأعضائه طوني بلاير وجاك شيراك وانجيلا ميركل وغيرهم...) كمان عُهر. القيّم الغربية من ديمقراطية وليبرالية والوقوف بالصّف والأكل بلا خبز والحكي على صوت واطي وبلا انفعال وشوبَرة، ايه هيدا عُهر. المظاهرات "الحضارية" مع رقص وحشيشة ومطالبة بالسلام العالمي والحب والغرام كمان اذا بتفكّر فيها عُهر.

لبنانيو الاغتراب في عواصم اوروبا ومدن امريكا الشمالية والجنوبية وفي افريقيا وبالخليج العربي، هول عُهر وبزيادة مؤامرات.

الدوري الانكليزي كتير عُهر.

اوبرا وينفري عُهر.

نظرية نشؤ الأمم عُهر.

صراع الحضارات نوع من تصادم عدّة انواع من العُهر.

البكاء تأثراً بموت فقمة أو لأنّو طوم هانكس طلع معو سرطان بآخر الفيلم أكيد أكيد عُهر (البكاء على الأطلال على فكرة مش عُهر. هيدا شي حلو).

الموضة: عُهر.

ايران: عُهر بألوان فاقعة.

القطاع المصرفي: عُهر مع فائدة.

الدعايات: عُهر.

الصّيد في الماء العَكِر: اكيد عُهر لأنّو اصلاً ما في شي بالماء العَكِر يا اخو الشرموطة!

طيّب. كتير منيح. شو اللي منّو عهر؟

الأكل.

 الأكل مش عهر. بس انتباه! الانسان الجوعان وبدّو يأكل مش يعني انّو والله جوعان جايي عبالي فخد بطّة مع صلصة الخوخ وثلاث حبّات بازيلّلأ راكبين على جزرة... لا لا لا عبّاس. جوعان يعني شي ربطة خبز وعلبة مرتديلا زوان، أو شي ربطة خبز ومرطبان زيتون، أو ربطة خبز مع شو ما كان بسّ حتّى ما نغصّ عالخبز الحاف...

♠    ♠    ♠

الى كلّ شخص شَعَر انّو هيدا النّص سخيف و"كليشيه" ويخلو من الجماليات الأدبية (مع انّو اكيد الجميع ضدّ الجوع وما بدّن حدن يكون جوعان لأنّو حرام وحق كل انسان يعيش والخ الخ الخ) الى كل هيك شخص: بلا عُهر.

Pit Stop

An Israeli, on his way to "The Promised Land", recently arrives at London's
Heathrow airport.

As he fills out a form, the customs officer asks him: "Occupation?"

The Israeli promptly replies: "No, just visiting!"