الأفضلية للحياة، بس في حالات انا شخصياً بفضّل موت - للشاعر عبّاس جوز الهند

الأفضلية للحياة، بس في حالات انا شخصياً بفضّل موت

بفضّل موت ولا يصير ميشال عون رئيس جمهورية

بفضّل موت ولا يرجع عمر كرامي رئيس وزراء

بفضّل مشروع الخيمة على مشروع حرق الدواليب

بفضّل بياخة بيار صادق على محن مازن كرباج

بفضّل بيروت على صيدا مليون مرّة

بفضّل مشروع اقتصادي ليبرالي على معارضة بلا مشروع

وكمان،

انا احب الحياة

هو يحب الحياة

هي تحب الحياة

كلنا نحب الحياة

و على فكرة، مع انّو بفضّل موت ولا يصير ميشال عون رئيس، ولكن:

انا كمان بدّي عيش

وبعرف على الأقل اربع اشخاص (بينهم نساء وواحد فلسطيني) كمان بدنا نعيش

وأخبرت عن واحد انتحاري يعاني من انهيار نفسي صار بدّو يعيش نكاية بعد ما شاف حملة «انا أحب الحياة»

و بشكل عام، ولو العالم مش بجم، كانوا لاحظوا انّو حتّى نعيش بدّنا ناكل، وبدّنا نتعلم، وبدّنا شوّية استقرار (يعني مش ضروري كلّ الوقت استقرار، بس على الأقل اربعة اشهر بالسنة من دون احتساب الأعياد والعطل الرسمية وعيد القديسة رفقا)

وفي ما يخصّ سمير جعجع، رجاءً التوقف عن ابداء ملاحظات بذيئة عن ستريدا لأنّو عم تطلع فشّة الخلق بالعالم.

معلومة اضافية: نبيه برّي محضّر حملة دعائية لتمييز نفسه، شعار الحملة: «بدّي بعد مصاري»

نهايةً: جماعة «الادفيرتايزينغ» (الدعايات) اذا ممكن رجاءً ومن اجل مصلحتكم بالمستقبل: اوقفوا تدخلكم بالسياسة اللبنانية لأنّو صرتوا انيك من السوريين لما كانو يكتبولو لاميل لحود خطاباته.