ما رح يبقى إبن مرا

في ناس بتعدّ أيام للحقيقة. وأنا شخصيّاً وقّفت عَد من زمان. آخر مرّة شيّكت كان شي  ٦٠٠ يوم، ما بعرف شو رح يعملو لمّا تقطّع الميّة

وفي ناس بتعدّ أصوات، أصوات طيبة وأصوات ميتة وأصوات صرلها شي ميــتين سنة بتحكي وفي أصوات ما حدا بعدّا ولا حدا بيسألها ولا حدا بيسمعها

و في مين بعدّ قنابل، أو محشايات أو شهدا، أو ضحايا، أو علب بيكون؟

أنا وقفت عدّ

ما رح عد لا ضحايا ولا أبريا ولا معترين ولا طوايف ولا كاسات ولا قنابل ولا صواريخ ولا شحّادين ولا فلّاحين ولا عضام ديناصورات ولا مواد دستوريّة ولا أيام للحقيقة ولا أعضاء لجان ولا عناصر جيش ولا قوى أمن، ولا معلّمين ولا مثقفين ولا مشايخ ولا رهبان ولا منايك ولا سرّاقين ولا جلدات ولا كفوف ولا جزم ولا سوّاح ولا قوانين

بكفّي عدّ

الويل لشعبٍ بياكل عصي وبعدّها

وبما إنّو عم ناكل عصي، رح نوقف نعد

زهقنا عدّ وقرفنا عدّ، والأخو شرموطة إللي عم بعدّ مسبّات بهل صفحة رح يتكسّرو إجريه

رح نكسّر إجرين كل العالم لمّا يسير معنا شي متين ألف جندي

بكرا بتشوفو، جايي أيام ومعنا الأكتريّة الصامتة وما ضروري نعدّن